ចូលជាសមាជិក
នាព្រឹកថ្ងៃចន្ទ ទី២៥ ខែកក្កដា ឆ្នាំ២០២៤ សភាពាណិជ្ជកម្មខេត្តបាត់ដំបង បានបេីកសិក្ខាសាលាពិភាក្សាស្ដីពី៖
“ការចងក្រងពីបញ្ហាប្រឈម និងប្រមូលផ្ដុំគំនិតច្នៃប្រឌិតដេីម្បីអភិវឌ្ឍន៍អាជីវកម្ម ក្រោមអធិបតីភាព អ្នកឧកញ៉ា ភួ វាសនា អនុប្រធានសភាពាណិជ្ជកម្មកម្ពុជា និងជាប្រធានសភាពាណិជ្ជកម្មខេត្តបាត់ដំបង លោកអនុប្រធាន សមាជិក សមាជិកា លោកប្រធាន សមាគមសហគ្រិនវ័យក្មេងកម្ពុជា សាខាខេត្ត,សមាគមសហគ្រិនឈានមុខខេត្ត,សមាគមសណ្ឋាគារខេត្ត និងម្ចាស់អាជីវកម្ម សរុបចំនួន១០២នាក់
កម្មវិធីនេះប្រព្រឹត្តទៅនៅសាលប្រជុំសភាពាណិជ្ជកម្មខេត្តបាត់ដំបង។
គោលបំណងក្នុងកម្មវិធីគឺ៖
-ដើម្បីកសាង និងពង្រឹងបណ្តាញអាជីវ កម្ម និងតំណាងវិស័យឯកជនក្នុងខេត្តបាត់ដំបង
-ដើម្បីកំណត់ពីបញ្ហាប្រឈមទាំងឡាយក្នុងផ្នែកនីមួយៗដែល បានជួបប្រទះនាពេលកន្លងមក
-ដើម្បីរៀបចំអ្នកចូលរួមនៅក្នុងកម្មវិធីវេទិកាសាធារណៈរវាងរដ្ឋបាលខេត្ត និងវិស័យឯកជន។
ក្រោយពីបញ្ចប់កិច្ចពិភាក្សាយេីងបានបែកចែងបញ្ហាជាបួនផ្នែកធំៗគឺផ្នែកពាណិជ្ជកម្ម,ឧស្សាហកម្ម-សិប្បកម្ម,សេវាកម្ម និងកសិកម្ម រួចបន្តកំណត់អាទិភាពបញ្ហាប្រឈមដែលបានជួបប្រទះ ដេីម្បីត្រៀមបញ្ជូនបញ្ហាប្រឈមទៅដល់មន្ទីរពាក់ព័ន្ធដេីម្បីដោះស្រាយជូនដល់ម្ចាស់អាជីវកម្មនាពេលខាងមុខ។
រូបភាព និងអត្ថបទ: សភាពាណិជ្ជកម្មខេត្តបាត់ដំបង
