BECOME A MEMBER
នាព្រឹកថ្ងៃពុធ ៧ កើត ខែផល្គុន ឆ្នាំឆ្លូវ ត្រីស័ក ព.ស ២៥៦៥
ត្រូវនឹងថ្ងៃទី៩ ខែមីនា ឆ្នាំ២០២២
លោក ហ៊ុន វិទូ នាយករដ្ឋបាលសភាពាណិជ្ជកម្មខេត្តបាត់ដំបង តំណាងឧកញ៉ា ភួ វាសនា ប្រធានសភាពាណិជ្ជកម្មខេត្តបាត់ដំបងបានចូលរួមសិក្ខាសាលាផ្សព្វផ្សាយស្ដីពី"ច្រកចូលទីផ្សារកម្ពុជាទៅកាន់ប្រទេសជាដៃគូ"ដែលរៀបចំដោយនាយកដ្ឋានជំរុញពាណិជ្ជកម្ម នៃក្រសួងពាណិជ្ជកម្ម បានសហការជាមួួយមន្ទីរពាណិជ្ជកម្មខេត្តបាត់ដំបង ក្រោមអធិបតីភាព លោក អប់ រ៉ាឌី អគ្គនាយករងជំរុញពាណិជ្ជកម្ម និងលោក ហ៊ិន វុឌ្ឍី អនុប្រធានមន្ទីរពាណិជ្ជកម្មខេត្ត នៅសាលប្រជុំមន្ទីរពាណិជ្ជកម្មខេត្ត។
ខ្លឹមសារនៃអង្គសិក្ខាសាលា៖
១.គោលនយោបាយពាណិជ្ជកម្មរបស់កម្ពុជាក្នុងបរិបទថ្មី
២.ច្រកចូលទីផ្សារកម្ពុជាទៅកាន់ប្រទេសជាដៃគូ ក្រោមកិច្ចព្រមព្រៀងពាណិជ្ជកម្មសេរី
៣.កិច្ចជំរុញពាណិជ្ជកម្ម ដោយប្រើប្រាស់ឧបករណ៍ផ្សងៗ
គោលបំណង ដើម្បីចូលរួមចំណែកក្នុងការជំរុញលំហូរពាណិជ្ជកម្ម ធុរកិច្ច វិនិយោគ ព្រមទាំងលើកកម្ពស់ការចូលរួមរបស់កម្ពុជានៅក្នុងខ្សែច្រវាក់តម្លៃតំបន់ និងសាកល និងទាញយកផលប្រយោជន៍អោយបានអតិបរមាពីកិច្ចព្រមព្រៀងពាណិជ្ជកម្មសេរី ដែលក្រសួងពាណិជ្ជកម្មសម្រេច។
អត្ថបទ និងរូបភាពដោយ៖សភាពាណិជ្ជកម្មខេត្តបាត់ដំបង
