BECOME A MEMBER
នារសៀលម៉ោង៣:០០ ថ្ងៃសុក្រ ១ រោច ខែផល្គុន ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី១៨ ខែមីនា ឆ្នាំ២០២២
ឧកញ៉ា ភួ វាសនា ប្រធានសភាពាណិជ្ជកម្មខេត្តបាត់ដំបង និងជាប្រធាន ស.ស.យ.ក ស្រុកថ្មគោល ព្រមទាំងសមាជិក បានអញ្ជេីញទស្សនៈកិច្ចវិទ្យាស្ថានជាតិវិជ្ជាជីវៈបាត់ដំបងដេីម្បីស្វែងយល់អំពីវិទ្យាស្ថាន និងជួបពិភាក្សាជាមួយលោកនាយក និងលោកគ្រូអ្នកគ្រូ អំពីជំនាញដែលវិទ្យាស្ថានមាន និងជាពិសេសជំនាញបង្រៀនលេីការកែច្នៃបន្លែ និងផ្លែឈេី។ ក្នុងនោះដែរលោកនាយកក៏បានបង្ហាញពីផលិតផលដែលវិទ្យាស្ថានធ្វេីសម្រេចបានមានចំនួនជិត10ផងដែរ។
កិច្ចពិភាក្សាខាងលេី វិទ្យាស្ថានក៏បានស្នេីសុំពិចារណាលេីការចុះMOUជាមួយគ្នារវាង
-វិទ្យាស្ថាន និងសភាពាណិជ្ជកម្មខេត្តបាត់ដំបងដេីម្បីស្វែងរកដៃគូរសហការ
-វិទ្យាស្ថាន និងស.ស.យ.ក ស្រុកថ្មគោល ដេីម្បីស្វែងរកយុវជនចូលសិក្សាជំនាញ។ ឧកញ៉ាប្រធានក៏បានយល់ព្រមទទួលយកសំណេីរទៅពិនិត្យ និងពិចារណាក្នុងចំណុចនេះផងដែរ។ ហេីយគាត់ក៏បានស្នេីសុំទៅវិទ្យាស្ថានអោយមានវគ្គបង្រៀនខ្លីពីកសិកម្មទៅលេីប្រភេទបន្លែ និងកាចិញ្ចឹមសត្វ។បន្ទាប់ពីពិភាក្សាចប់ឧកញ៉ាប្រធានក៏បានដេីរពិនិត្យមេីលអំពីឧបករណ៍សម្ភារៈដែលកែច្នៃបន្លែ និងផ្លែឈេីផងដែរ។
អត្ថបទ និងរូបភាពដោយ៖ សភាពាណិជ្ជកម្មខេត្តបាត់ដំបង
