BECOME A MEMBER
រាជធានីភ្នំពេញ៖ នាព្រឹកថ្ងៃអង្គារ ២ កើត ខែផល្គុន ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី ២១ ខែ កុម្ភៈ ឆ្នាំ ២០២៣ ឧកញ៉ា លឹម សុជាតិ អនុប្រធានសភាពាណិជ្ជកម្មកម្ពុជា តំណាងអ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា បានអញ្ជើញចូលរួម សិក្ខាសាលាពិគ្រោះយោបល់ ស្តីពីអភិបាលបណ្តោះអាសន្ននៅក្នុងសំណុំរឿងក្ស័យធន ដែលប្រព្រឹត្តទៅក្រោមអធិបតីភាព ឯកឧត្តម សន សោភ័ណ អនុរដ្ឋលេខាធិការក្រសួងយុត្តិធម៌។
សិក្ខាសាលានេះ រៀបចំឡើងក្នុងគោលបំណង ផ្សព្វផ្សាយពី ទិដ្ឋភាពទូទៅនៃឧត្តមានុវត្តន៍ជាអន្តរជាតិស្តីពីបទប្បញ្ញត្តិក្ស័យធន គុណវឌ្ឍន៍ តួនាទី និងគោលការណ៍សំខាន់ៗក្នុងការរៀបចំបទប្បញ្ញត្តិទាក់ទងនឹងអភិបាលបណ្តោះអាសន្នក្នុងសំណុំរឿងក្ស័យធន ព្រមទាំងធ្វើការពិភាក្សាអំពីការអនុវត្តបទប្បញ្ញត្តក្ស័យធនពីបរទេស ដើម្បីសិក្សាលទ្ធភាពអនុវត្តនៅកម្ពុជា។
