​អ្នកឧកញ៉ាគិត ម៉េង ស្នើឲ្យបណ្តាធុរជនសិង្ហបុរី ចាប់យកឱកាសវិនិយោគនៅកម្ពុជា

​ឆ្លៀតក្នុងឱកាស នៃការអញ្ជើញអមដំណើរសម្តេចតេជោនាយករដ្ឋមន្រ្តីអញ្ជើញចូលរួមកិច្ចប្រជុំកំពូលអាស៊ានលើកទី៣៣ និងកិច្ចប្រជុំពាក់ព័ន្ធមួយចំនួននចាប់ពីថ្ងៃទី១៣រហូតដល់ថ្ងៃទី១៥ ខែវិច្ឆិកា ឆ្នាំ២០១៨នៅប្រទេសសិង្ហបុរី អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជាបានជួបពិភាក្សាការការងារជាមួយបណ្តាថ្នាក់ដឹកនាំនានា និងបណ្តាអ្នកវិនិយោគបរទេស ក្នុងន័យដើម្បីបង្កើនទំនាក់ទំនងកិច្ចសហប្រតិបត្តការវិនិយោគ។

ជាក់ស្តែងនាព្រឹកថ្ងៃទី ១៤ ខែវិច្ឆិកានេះ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជាបានដឹកនាំសមាជិកសភាពាណិជ្ជកម្មកម្ពុជាអញ្ជើញជំនួបពាណិជ្ជកម្មជាមួយធុរជនជាច្រើនរបស់ប្រទេសសិង្ហបុរី ដែលធ្វើឡើងនៅការិយាល័យកម្មសិទ្ធិបញ្ញារបស់ប្រទេសិង្ហបុរី។

នៅក្នុងឱកាសដ៏មានសារៈសំខាន់ក្នុងជំនួបពាណិជ្ជកម្មនេះ កញ្ញា អ៊ីស្ទឺ វី ប្រធានក្រុមប្រឹក្សាពាណិជ្ជកម្មកម្មសិទ្ធិបញ្ញាអន្តរជាតិបានលើកឡើងបង្ហាញក្តីរីករាយដែលខាងសមាជិកសភាពាណិជ្ជកម្ម ក៏ដូចជាអ្នកវិនិយោគិនកម្ពុជាបានអញ្ជើញមកដើម្បីបង្កើនទំនាក់ទំនងពាណិជ្ជកម្ម នៃប្រទេសទាំងពីរ។

កញ្ញា អ៊ីស្ទឺ វី ប្រធានក្រុមប្រឹក្សាពាណិជ្ជកម្មកម្មសិទ្ធិបញ្ញាអន្តរជាតិបានបញ្ជាក់លើកទឹកចិត្តឲ្យអ្នកវិនិយោគិន នៃប្រទេសទាំងពីរយកឱកាសវិនិយោគ ដើម្បីផលប្រយោជន៍ដល់ជាតិ និងប្រជាជននៃប្រទេសទាំងពីរ។

អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជាបានថ្លែងថា កម្ពុជាបច្ចុប្បន្នមានការរីកចម្រើនយ៉ាងឆាប់រហ័ស កំណើនសេដ្ឋកិច្ចរង្វង់៧ភាគរយ ចំណែកជើងហោះហើរក៏មានចំនួនច្រើននាពេលបច្ចុប្បន្ននេះ ដែលជាប្រទេសមានកំណើនសេដ្ឋកិច្ចលឿន។

អ្នកឧកញ៉ាប្រធានសភាពាណិជ្ជកម្មកម្ពុជាបានប្រាប់អ្នកវិនិយោគិនសិង្ហបុរីថា កម្ពុជានាពេលបច្ចុប្បន្ននេះមានស្ថេរភាពល្អ សន្តិសុខ សន្តិភាព ព្រមជាមួយគ្នានេះប្រមុខរាជរដ្ឋាភិបាលកម្ពុជាតែងតែលើកទឹកចិត្តខ្ពស់ដល់បណ្តាអ្នកវិនិយោគ។

ជាមួយគ្នានេះក្នុងនាមជាប្រធានសភាពាណិជ្ជកម្មកម្ពុជាបានបង្ហាញភាពកក់ក្តៅដល់ធុរជនសិង្ហបុរីថា សភាពាណិជ្ជកម្មកម្ពុជានឹងផ្តល់ការប្រឹក្សាយោបល់ជូនបណ្តាធុរជនបន្ថែមទៀត នឹងស្វាគមន៍ចំពោះការអញ្ជើញទៅកាន់កម្ពុជា។
អ្នកឧកញ៉ា គិត ម៉េង បានបញ្ជាក់ឲ្យវិនិយោគិនសិង្ហបុរីដឹងថា កម្ពុជាមានធនាគារឯកទេសវីង ជារបស់ខ្មែរ១០០ភាគរយ មានបណ្តាញទំលំទំលាយ មានបច្ចេកវិទ្យាខ្ពស់ ងាយស្រួលក្នុងការចរាចារណ៍ហិរញ្ញវត្ថុ បង្ករភាពងាយស្រួលដល់វិនិយោគិនផ្ទេរ និងទទួលសាច់ប្រាក់តាមប្រព័ន្ធអេឡិចត្រូនិក។

ឯកឧត្តម ងួន ម៉េងតិច អគ្គនាយកសភាពាណិជ្ជកម្មបានបន្ថែមថា នេះជាកាសមួយដ៏មានសារៈសំខាន់ដែលបណ្តាធុរជននៃប្រទេសទាំងពីរបានរៀបចំឲ្យមានជំនួបពាណិជ្ជកម្ម ដែលអាចឲ្យធុរជននៃប្រទេសទាំងពីរប្រាស្រ័យទាក់ទងគ្នាបន្ថែមទៀត ដើម្បីបង្ហាញសក្តានុពលពាណិជ្ជកម្ម ក្នុងន័យជំរុញការកំណើនសេដ្ឋកិច្ច កំណើនការងារធ្វើ និងការអភិវឌ្ឍន៍។

សូមជម្រាបថា ក្នុងឱកាសនេះនៃជំនួបពាណិជ្ជកម្មជាមួយបណ្តាធុរជនសិង្ហបុរី អ្នកឧកញ៉ា គិត ម៉េង បានស្នើឲ្យបណ្តាធុរជនសិង្ហបុរី ចាប់យកឱកាសវិនិយោគនៅកម្ពុជា ខណះដែលថ្នាក់ដឹកនាំនៃប្រទេសទាំងពីរយកចិត្តទុកដាក់ខ្ពស់ចំពោះសេដ្ឋកិច្ច។

អ្នកឧកញ៉ា គិត ម៉េង បានចុះអនុស្សារណៈ និងសហព័ន្ធឧស្សាហករសិង្ហបុរី ដើម្បីបង្កើតទំនាក់ទំនងល្អរវាងស្ថាប័នទាំងពីរ

អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា នាព្រឹកថ្ងៃទី១៥ ខែវិច្ជិកា ឆ្នាំ២០១៨ នេះបានដឹកនាំសមាជិកសភាពាណិជ្ជកម្មកម្ពុជាអញ្ជើញជំនូបពិភាក្សាពាណិជ្ជកម្មជាមួយធុរជនជាច្រើនរបស់ប្រទេសសិង្ហបុរី ព្រមទាំងចុះអនុស្សារណៈរវាងសភាពាណិជ្ជកម្មកម្ពុជា និងសហព័ន្ធឧស្សាហករសឹង្ហបុរី ។

នៅក្នុងឪកាសនេះលោក ដូសលាស ហ្វូ ប្រធានសហព័ន្ធឧស្សាហករសិង្ហបុរី បានបង្ហាញការស្វាគមន៍ប្រកបដោយក្តីរីករាយដែលបានជួបជាមួយក្រុមធុរកិច្ចកម្ពុជា ក៏ដូចជាសមាជិកសភាពាណិជ្ជកម្មកម្ពុជាដែលបានចំណាយពេលវេលាដើម្បីជួបពិភាក្សាពាណិជ្ជកម្មរវាងសភាពាណិជ្ជកម្មកម្ពុជា និងសហព័ន្ធឧស្សាហករសិង្ហបុរី ។
លោក ដូសលាស ហ្វូ ប្រធានសហព័ន្ធឧស្សាហករសិង្ហបុរី បានមានប្រសាសន៍កោតសរសើរអំពីរការរីកចំរើនរបស់កម្ពុជាយ៉ាងឆាប់រហ័ស។

នៅក្នុងឪកាសនេះអ្នកឧកញ៉ា គិត ម៉េង បានលើកឡើងថា សិង្ហបុរី និងកម្ពុជាគឺជាមិត្តល្អនឹងគ្នាតាំងពីយូរលង់ណាស់មកហើយ ចំណែកបច្ចុប្បន្ននេះថ្នាក់ដឹកនាំកម្ពុជា និងសិង្ហបុរីក៏បានកំពុងពង្រីកកិច្ចសហប្រតិបត្តការបន្ថែមទៀត ជាក់ស្តែងកិច្ចប្រជ៊ំកំពូលអាស៊ាននាពេលនេះដែលធ្វើឡើងនៅប្រទេសសិង្ហបុរី គឺថ្នាក់ដឹកនាំអាស៊ានបានយកចិត្តទុកដាក់ខ្ពស់អំពីកិច្ចសហប្រតិបត្តិការណ៍នឹងគ្នា។

អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជាបានថ្លែងថា កម្ពុជាបច្ចុប្បន្នមានការរីកចំរើនយ៉ាងឆាប់រហ័ស កំណើនសេដ្ឋកិច្ចរង្វង់ជាង៧ភាគរយ មានវារីអគ្គិសនី ចំណែកជើងហោះហើរក៏មានចំនួនច្រើននាពេលបច្ចុប្បន្ននេះ ដែលជាប្រទេសមានកំណើនសេដ្ឋកិច្ចលឿន។
អ្នកឧកញ៉ាប្រធានសភាពាណិជ្ជកម្មកម្ពុជាបានប្រាប់អ្នកវិនិយោគិនសិង្ហបុរីថា កម្ពុជានាពេលបច្ចុប្បន្ននេះមានស្ថេរភាពល្អ សន្តិសុខ សន្តិភាព ព្រមជាមួយគ្នានេះប្រមុខរាជរដ្ឋាភិបាលកម្ពុជាតែងតែលើកទឹកចិត្តខ្ពស់ដល់បណ្តាអ្នកវិនិយោគ។

ជាមួយគ្នានេះក្នុងនាមជាប្រធានសភាពាណិជ្ជកម្មកម្ពុជាបានបង្ហាញភាពកក់ក្តៅដល់ធុរជនសិង្ហបុរីថា សភាពាណិជ្ជកម្មកម្ពុជានឹងផ្តល់ការប្រឹក្សាយោបល់ជូនបណ្តាធុរជនបន្ថែមទៀត នឹងស្វាគមន៍ចំពោះការអញ្ជើញទៅកាន់កម្ពុជា។
អ្នកឧកញ៉ា គិត ម៉េង បានបញ្ជាក់អោយវិនិយោគិនសិង្ហបុរីដឹងថា កម្ពុជាមានធនាគារឯកទេសវីង ជារបស់ខ្មែរ១០០ភាគរយ មានបណ្តាញទំលំទំលាយ មានបច្ចេកវិទ្យាខ្ពស់ ងាយស្រួលក្នុងការចរាចារណ៍ហិរញ្ញវត្ថុ បង្ករភាពងាយស្រួលដល់វិនិយោគិនផ្ទេរ និងទទួលសាច់ប្រាក់តាមប្រព័ន្ធអេឡិចត្រូនិច ។

ឯកឧត្តម ងួន ម៉េងតិច អគ្គនាយកសភាពាណិជ្ជកម្មបានបន្ថែមថា ការចុះអនុស្សារណះរវាងសភាពាណិជ្ជកម្មកម្ពុជា និងសហព័ន្ធឧស្សាហករសិង្ហបុរី នាពេលនេះគឺដើម្បីបង្កើតទំនាក់ទំនងល្អរវាងស្ថាប័នទាំងពីរ ស្វែងយល់អំពីបរិយាកាសសេដ្ឋកិច្ច និងវិនិយោគនៅកម្ពុជា និងដើម្បីជាឱកាសចាប់ដៃគូពាណិជ្ជកម្មរវាងគណៈប្រតិភូនៃស្ថាប័នទាំងពីរក្នុងការបង្កើតទំនាក់ទំនងធុរកិច្ច និងស្វែងឱកាសវិនិយោគ។
ឯកឧត្តម ងួន ម៉េងតិច អគ្គនាយកសភាពាណិជ្ជកម្មបានបញ្ជាក់អោយដឹងថា សហព័ន្ធឧស្សាហករសិង្ហបុរី គឺជាសមាគមន៍ធំមួយជួយយដល់ក្រុមហ៊ុនផលិតជាច្រើននៅសិង្ហបុរី ដូច្នេះការចុះអនុស្សារណះជាមួយសភាពាណិជ្ជកម្នកម្ពុជាគឺជាផ្លូវមួយបង្ករភាពងាយស្រួលប្រឹក្សាយោបល់ដល់ធុរជនសិង្ហបុរីដែលមានបំណងវិនិយោគនៅកម្ពុជា។

សូមជំរាបថា ក្នុងឪកាស នៃការអញ្ជើញអមដំណើរសម្តេចតេជោនាយករដ្ឋមន្រ្តីអញ្ជើញចូលរួមកិច្ចប្រជុំកំពូលអាស៊ានលើកទី៣៣ និងកិច្ចប្រជុំពាក់ព័ន្ធមួយចំនួនចាប់ពីថ្ងៃទី១៣រហូតដល់ថ្ងៃទី១៥ ខែវិច្ចិកា ឆ្នាំ២០១៨ នៅប្រទេសសិង្ហបុរី អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជាបានជួបពិភាក្សាការការងារជាមួយបណ្តាថ្នាក់ដឹកនាំនានាក្នុងតំបន់អាស៊ាន និងបណ្តាអ្នកវិនិយោគបរទេសសំខាន់ៗ ក្នុងន័យដើម្បីបង្កើនទំនាក់ទំនងកិច្ចសហប្រតិបត្តការវិនិយោគ។

ឯកឧត្តម មហាធា មហាម៉ាត់ នាយករដ្ឋមន្រ្តីនៃប្រទេសម៉ាឡេស៊ីបានផ្តល់អនុសាសន៍ឲអាស៊ានសូមរួបរួមគ្នាជាកំលាំងមួយ វាសនាតែមួយ ដើម្បីរីកចំរើនរួមគ្នា

កិច្ចប្រជុំកំពូលអាស៊ានលើកទី៣៣ដែលធ្វើឡើងនៅប្រទេសសិង្ហបុរីបានចាប់ផ្តើមហើយក្រោមវត្តមានប្រមុខរដ្ឋប្រមុខរដ្ឋាភិបាលអាស៊ាន

សម្ដេចតេជោ ដឹកនាំគណៈប្រតិភូជាន់ខ្ពស់កម្ពុជាអញ្ជើញដល់ប្រទេសសិង្ហបុរីហើយដើម្បីចូលរួមកិច្ចប្រជុំកំពូលអាស៊ានលើកទី៣៣នៅប្រទេសសិង្ហបុរី

បន្ទាប់ពីចាក់ចេញពីប្រទេសកម្ពុជានៅព្រឹកថ្ងៃទី១៣ ខែវិច្ឆិកា ឆ្នាំ២០១៨នេះ តបតាមការអញ្ជើញរបស់ឯកឧត្តម លី សៀនឡុង (Lee Hsien Loong) នាយករដ្ឋមន្រ្តី នៃសាធារណរដ្ឋសិង្ហបុរី សម្ដេចអគ្គមហាសេនាបតីតេជោហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានអញ្ជើញដឹកនាំមន្រ្តីគណៈប្រតិភូជាន់ខ្ពស់ និងសមាជិកសភាពាណិជ្ជកម្មកម្ពុជាអញ្ជើញដល់ប្រទេសសិង្ហបុរីហើយនៅវេលាម៉ោង១១ព្រឹក ម៉ោងនៅប្រទេសសឹង្ហបុរី ត្រូវនឹងម៉ោង១០ព្រឹក ម៉ោងប្រទេសកម្ពុជា ដើម្បីចូលរួមក្នុងកិច្ចប្រជុំកំពូលអាស៊ានលើកទី៣៣ និងកិច្ចប្រជុំពាក់ព័ន្ធ នៅប្រទេសសិង្ហបុរីរយៈពេល៣ថ្ងៃ(១៣-១៥) វិច្ឆិកា ឆ្នាំ២០១៨។
នៅអាកាសយានដ្ឋាន នៃប្រទេសសឹង្ហបុរីមានការទទួលបដិសណ្ឋារកិច្ចដោយមន្រ្តីសិង្ហបុរី និងមន្រ្តីការទូតកម្ពុជា។

សូមជម្រាបថា សំរាប់កិច្ចប្រជុំកំពូលអាស៊ានលើកទី៣៣ និងកិច្ចប្រជុំកំពូលពាក់ព័ន្ធនេះ គឺប្រព្រឹត្តទៅក្រោមមូលបទ «ភាពរឹងមាំ និង នវានុវត្តន៍របស់អាស៊ាន»។

ក្រៅពីចូលរួមកិច្ចប្រជុំកំពូលអាស៊ានហើយនោះ សម្តេចតេជោ ហ៊ុន សែន នឹងអញ្ជើញចូលរួមកិច្ចប្រជុំកំពូលពាក់ព័ន្ធជាច្រើនផ្សេងទៀតដូចជា៖ កិច្ចប្រជុំកំពូលក្រៅផ្លូវការអាស៊ាន-អូស្រ្តាលី អមដោយអាហារពេលព្រឹក , កិច្ចប្រជុំកំពូលអាស៊ាន-ចិន លើកទី២១, កិច្ចប្រជុំកំពូលអាស៊ាន-សាធារណរដ្ឋកូរ៉េ លើកទី២០ , កិច្ចប្រជុំកំពូលអាស៊ាន-រុស្ស៊ី លើកទី៣ , កិច្ចប្រជុំកំពូលអាស៊ាន-ជប៉ុន លើកទី២១ , កិច្ចប្រជុំកំពូលក្រៅផ្លូវការអាស៊ាន-ឥណ្ឌា អមដោយអាហារពេលព្រឹក , កិច្ចប្រជុំកំពូលអាស៊ាន-សហរដ្ឋអាមេរិក លើកទី៦, កិច្ចប្រជុំកំពូលអាស៊ានបូក៣ លើក
ទី២១ , កិច្ចប្រជុំកំពូលអាស៊ីបូព៌ា លើកទី១៣ (ពេញអង្គ) , កិច្ចប្រជុំកំពូលអាស៊ីបូព៌ា (ចង្អៀត) អមដោយអាហារថ្ងៃត្រង់ , និងកិច្ចប្រជុំថ្នាក់ដឹកនាំ នៃភាពជាដៃគូសេដ្ឋកិច្ចទូលំទូលាយក្នុងតំបន់ លើកទី២។

ស្របពេលអញ្ជើញចូលរួមកិច្ចប្រជុំកំពូលនេះ សម្តេចតេជោនាយករដ្ឋមន្រ្តី នឹងអញ្ជើញចូលរួមក្នុងប្រជុំ និងកម្មវិធីមួយចំនួនទៀតដូចជា៖ កិច្ចប្រជុំជាមួយក្រុមប្រឹក្សាពិគ្រោះយោបល់ ធុរកិច្ចអាស៊ាន, កម្មវិធីអាហារការងារថ្ងៃត្រង់ រៀបចំដោយឯកឧត្តម លី សៀនឡុង នាយករដ្ឋមន្រ្តីសិង្ហបុរី សម្រាប់ថ្នាក់ដឹកនាំអាស៊ាន , ពិធីលៀងសាយភោជន៍ (Gala Dinner) រៀបចំដោយប្រធានកិច្ចប្រជុំ សម្រាប់ថ្នាក់ដឹកនាំអាស៊ាន , និងជំនួបទ្វេភាគី ជាមួយប្រមុខគណៈប្រតិភូ នៃប្រទេសមួយចំនួនផងដែរ។

គួរបញ្ជាក់ថា មុនមួយថ្ងៃនៃកិច្ចប្រជ៊ំកំពូលអាស៊ាន ពោលគឺថ្ងៃទី១២ ខែវិច្ជិការ ឆ្នាំ ២០១៨ បណ្តាក្រុមប្រឹក្សាពិគ្រោះយោបល់ធុរកិច្ចអាស៊ានបានរៀបចំកិច្ចប្រជុំកំពូលធុរកិច្ច និងវិនិយោគអាស៊ាន (ABIS) ដើម្បីពិគ្រោះយោបល់ក្រោមអធិបតីភាពរបស់ឯកឧត្តម លី ស៊ានឡុង នាយករដ្ឋមន្រ្តីសិង្ហបុរី ព្រមទាំងមានការចូលរួមពីបណ្តាក្រុមធុរកិច្ចអាស៊ាន ក្នុងនោះក៏មានវត្តមានអ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ាន កម្ពុជា ផងដែរបានអញ្ជើញចូលរួម។ នៅក្នុងពិធីនេះលោកប្រធានក្រុមប្រឹក្សាពិគ្រោះយោបល់អាស៊ាន បានមានប្រសាសន៍ថ្លែងនូវការអបអរសាទរ និងថ្លែងនូវការអរគុណចំពោះការអញ្ជើញចូលរួមពីបណ្តាក្រុមប្រឹក្សាពិគ្រោះយោបល់ធុរកិច្ចអាស៊ាន និងវិស័យឯកជននានាដើម្បីជាការរួមគ្នាស្វែងរកគំនិតថ្មីៗ និងចែករំលែកបទពិសោធន៍ឲគ្នាទៅវិញទៅមកក្នុងន័យជំរុញកិច្ចសហប្រតិបត្តិការ និងវិនិយោគឲកាន់តែច្រើន ដើម្បីជាផលប្រយោជន៍ដល់ជាតិ និងប្រជាជនបណ្តាប្រទេសតំបន់អាស៊ាន។

នៅក្នុងឪកាសនេះដែរ ឯកឧត្តម លី ស៊ានឡុង នាយករដ្ឋមន្រ្តីសឹង្ហបុរីបានមានប្រសាសន៍ថា វាយតម្លៃខ្ពស់ចំពោះកិច្ចខិតខំប្រឹងប្រែងពីបណ្តាវិស័យឯកជន។
ឯកឧត្តម លី ស៊ានឡុង នាយករដ្ឋមន្រ្តីសឹង្ហបុរីបានមានប្រសាសន៍ថា បច្ចុប្បន្នសក្តានុពលអាស៊ានមានសន្ទុះខ្លាំង មានទាំងធុរកិច្ច និងបច្ចេកវិទ្យា ថ្មីៗដែលបានផ្តល់ផលប្រយោជន៍ដល់សេដ្ឋកិច្ច និងបានបង្កើតការងារច្រើនដល់យុវជនអាស៊ាន។

ឯកឧត្តម លី ស៊ានឡុង នាយករដ្ឋមន្រ្តីសិង្ហបុរីបានបញ្ជាក់ថា សូមធុរកិច្ចពង្រឹងសម្ថតិភាពខ្លួនបន្ថែមទៀតដើម្បីរីកចំរើនទៅមុខ ។
ក្នុងនាមជាម្ចាស់ផ្ទះ នៃការរៀបចំកិច្ចប្រជុំកំពូលអាស៊ាន ឯកឧត្តមបានបន្តថា រដ្ឋាភិបាល និងប្រមុខរាជដ្ឋាភិបាលអាស៊ាន នឹងធ្វើការពិភាក្សាគ្នាដើម្បីរៀបចំគោលនយោបាយសេដ្ឋកិច្ច ក្នុងការជួយគិតគូរដល់វិស័យឯកជនបន្ថែមទៀត។

សេចក្តីណែនាំ ស្តីពី ចំណាត់ថ្នាក់តាមតារាងពន្ធគយកម្ពុជាជាធរមាន លើមុខទំនិញអង្ករ ពីអគ្គនាយកដ្ឋានគយ និងរដ្ឋាករកម្ពុជា

ជំនួបពាណិជ្ជកម្មរវាងសភាពាណិជ្ជកម្មកម្ពុជា និង សម្ព័ន្ធសភាពាណិជ្ជកម្មនិងឧស្សាហកម្មអាស៊ី-ប៉ាស៊ីហ្វិក

ពិធីចុះអនុស្សារណៈយោគយល់សភាពាណិជ្ជកម្មកម្ពុជា និងក្រុមប្រឹក្សាចិនជំរុញពាណិជ្ជកម្មអន្តរជាតិខេត្តសានតុង

ពិធីចុះអនុស្សារណៈយោគយល់រវាងសភាពាណិជ្ជកម្មកម្ពុជា និង សហព័ន្ធឧស្សាហកម្ម-ពាណិជ្ជកម្មចិនទាំងអស់