ជំនួបពាណិជ្ជកម្មរវាងសភាពាណិជ្ជកម្មកម្ពុជា និង សម្ព័ន្ធសភាពាណិជ្ជកម្មនិងឧស្សាហកម្មអាស៊ី-ប៉ាស៊ីហ្វិក

ពិធីចុះអនុស្សារណៈយោគយល់សភាពាណិជ្ជកម្មកម្ពុជា និងក្រុមប្រឹក្សាចិនជំរុញពាណិជ្ជកម្មអន្តរជាតិខេត្តសានតុង

ពិធីចុះអនុស្សារណៈយោគយល់រវាងសភាពាណិជ្ជកម្មកម្ពុជា និង សហព័ន្ធឧស្សាហកម្ម-ពាណិជ្ជកម្មចិនទាំងអស់

កិច្ចប្រជុំរវាងសភាពាណិជ្ជកម្មកម្ពុជា និង ធនាគារយូអេសអ៊ិចស៊ីម (U.S. Ex-Im Bank) នៃសហរដ្ឋអាមេរិក

ជំនួបពាណិជ្ជកម្ម និង ពិធីចុះអនុស្សារណៈយោគយល់រវាងសភាពាណិជ្ជកម្មកម្ពុជា និង សហព័ន្ធឧស្សាហកម្ម-ពាណិជ្ជកម្មចិនទាំងអស់

ជំនួបពាណិជ្ជកម្ម និង ពិធីចុះអនុស្សារណៈយោគយល់រវាងសភាពាណិជ្ជកម្មកម្ពុជា និង សហព័ន្ធឧស្សាហកម្ម-ពាណិជ្ជកម្មចិនទាំងអស់

នៅរសៀលថ្ងៃពុធ ១រោច ខែជេស្ឋ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី៣០ ខែឧសភា ឆ្នាំ២០១៨ នៅអគ្គនាយកដ្ឋានសភាពាណិជ្ជកម្មកម្ពុជា មានរៀបចំជំនួបពាណិជ្ជកម្ម និង ពិធីចុះអនុស្សារណៈយោគយល់រវាងសភាពាណិជ្ជកម្មកម្ពុជា និង សហព័ន្ធឧស្សាហកម្ម-ពាណិជ្ជកម្មចិនទាំងអស់។ ព្រឹត្តិការណ៍នេះ ប្រព្រឹត្តទៅក្រោមអធិបតីភាពអ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និង ឯកឧត្តម Gao YunLong អនុប្រធានគណកម្មការជាតិសន្និសីទទីប្រឹក្សានយោបាយ និងជាប្រធានសហព័ន្ធឧស្សាហកម្ម-ពាណិជ្ជកម្មចិនទាំងអស់ ព្រមទាំងមានការ​ចូលរួមពីសមាជិក-សមាជិកាសភាពាណិជ្ជកម្មកម្ពុជា និង គណៈប្រតិភូចិនផងដែរ។

សូមជម្រាបផងដែរថា គណៈប្រតិភូចិនដែលអញ្ជើញមកបំពេញទស្សនកិច្ចនៅសភាពាណិជ្ជកម្មកម្ពុជានេះ មានចំនួន៣០នាក់ ដែលក្នុងនោះមានក្រុមហ៊ុនជាច្រើនអញ្ជើញមកវិស័យខុសៗគ្នា ដូចជា នវានុវត្តន៍បច្ចេកវិទ្យា សម្ភារពេទ្យ កសិកម្ម ហិរញ្ញវត្ថុ ការដឹកជញ្ជូន សំណង់ គ្រឿងចក្រ អប់រំ សុខាភិបាល អចលនទ្រព្យ ទេចរណ៍ ។ល។ គោលបំណងនៃការបំពេញទស្សនកិច្ចនេះ គឺដើម្បីបង្កើតទំនាក់ទំនង និង កិច្ចសហប្រតិបត្តិល្អរវាងស្ថាប័នទាំងពីរ ក៏ដូចជា ដើម្បីស្វែងយល់អំពីបរិយាកាសសេដ្ឋកិច្ច និងវិនិយោគនៅកម្ពុជា ជាពិសេស ការចាប់ដៃពាណិជ្ជកម្មជាមួយធុរជនកម្ពុជាក្នុងវិស័យសក្កដានុពល។

ក្រៅពីជំនួបពាណិជ្ជកម្មនេះ ស្ថាប័នទាំងពីរក៏បានឯកភាពចុះហត្ថលេខាលើអនុស្សារណៈយោគយល់ក្នុងគោលបំណងសំខាន់ៗដូចខាងក្រោម៖

១. ជំរុញទំនាក់ទំនង និងកិច្ចសហប្រតិបត្តិការសម្រាប់វិស័យឯកជននៃប្រទេសទាំងពីរ តាមរយៈការរៀបចំវេទិកាសេដ្ឋកិច្ចនិងពាណិជ្ជកម្ម ការជំរុញគម្រោងពាណិជ្ជកម្ម ការសម្របសម្រួលវិស័យធុរកិច្ច និង សកម្មភាពបណ្ដុះបណ្ដាលនានា

២. ផ្ដល់ការគាំទ្រទៅវិញទៅមកក្នុងសកម្មភាពវិនិយោគ និង ធុរកិច្ច ក្នុងវិស័យ​កសិកម្មនិងអាហារ ធនធាននិងថាមពល ហេដ្ឋារចនាសម្ព័ន្ធ​ទ្រង់ទ្រាយធំ កម្មន្តសាលនិងបច្ចេកវិទ្យា ។ល។

៣. ពង្រឹងការផ្លាស់ប្ដូរព័ត៌មាន​ស្ដីពីការអភិវឌ្ឍ​សេដ្ឋកិច្ច និងឱកាសវិនិយោគ រវាងប្រទេសទាំងពីរ និង

៤. គាំទ្រការបង្កើតសមាគមសហគ្រិនអាស៊ាន-ចិន។

ជាចុងក្រោយ កិច្ចប្រជុំបានបញ្ចប់ប្រកបដោយភាពរលូន និងជោគជ័យនៅក្នុងកាលបរិច្ឆេទដដែល ហើយគណៈប្រតិភូទាំងអស់បានថតរូបអនុស្សាវរីយប្រកបដោយមេត្រីភាព និងស្និទ្ឋស្នាលបំផុត៕

មហាសន្និបាតបូកសរុបលទ្ធផលការងារប្រចាំឆ្នាំ២០១៧ និងលើកទិសដៅការងារឆ្នាំ២០១៨

មហាសន្និបាតបូកសរុបលទ្ធផលការងារប្រចាំឆ្នាំ២០១៧ និងលើកទិសដៅការងារឆ្នាំ២០១៨

នាថ្ងៃច័ន្ទ ១រោច ខែពិសាខ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី៣០ ខែមេសា ឆ្នាំ២០១៨ សភាពាណិជ្ជកម្មកម្ពុជា បានរៀបចំមហាសន្និបាតបូកសរុបលទ្ធផលការងារប្រចាំឆ្នាំ២០១៧ និងលើកទិសដៅការងារឆ្នាំ២០១៨ នៅសណ្ឋាគារកាំបូឌីយ៉ាណា រាជធានីភ្នំពេញ។ មហាសន្និបាតនេះ បានប្រារព្ធធ្វើឡើងក្រោមអធិបតីភាពដ៏ខ្ពង់ខ្ពស់របស់ឯកឧត្ដម ប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្ម និងឯកឧត្តម ឃួង ស្រេង អភិបាលរាជធានីភ្នំពេញ ព្រមទាំងមានការចូលរួមពីអ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា រួមទាំងប្រធានសភាពាណិជ្ជកម្មរាជធានី/ខេត្ត និង សមាជិក-សមាជិកាសភាពាណិជ្ជកម្មទូទាំងប្រទេស សហគ្រិន ក្រុមហ៊ុន ម្ចាស់អាជីវកម្ម និងធុរជនក៏ដូចជាភាពជាដៃគូ វិស័យឯកជន និងរដ្ឋាភិបាល។ គោលបំណងនៃមហាសន្និបាតនេះ គឺដើម្បីពិភាក្សាលើលទ្ធផលការងារឆ្នាំ២០១៧ បញ្ហាប្រឈមនានា សំណូមពរ និងលើកទិសដៅការងារឆ្នាំ២០១៨ ។

ថ្លែងក្នុងមហាសន្និបាតនេះ អ្នកឧកញ៉ា គិត ម៉េង បានសម្ដែងការអរគុណចំពោះឯកឧត្ដម ប៉ាន សូរស័ក្ដិ និងឯកឧត្តម ឃួង ស្រេង ដែលបានផ្ដល់វត្តមានដ៏ខ្ពង់ខ្ពស់ចូលរួមក្នុងមហាសន្និបាតនាថ្ងៃនេះ។ អ្នកឧកញ៉ា ក៏បានសម្ដែងការស្វាគមន៍យ៉ាងកក់ក្តៅ និងថ្លែងអំណរគុណយ៉ាងជ្រាលជ្រៅចំពោះការចូលរួមពីសមាជិកសមាជិកាទាំងអស់នៃសភាពាណិជ្ជកម្មកម្ពុជាផងដែរ។

ក្នុងឱកាសនៃមហាសន្និបាតនេះ អ្នកឧកញ៉ា បានលើកឡើងថា ក្នុងនាមជាស្ថាប័នតំណាងឱ្យវិស័យឯកជន សភាពាណិជ្ជកម្មកម្ពុជា បាននឹងកំពុងបន្តអនុវត្តតួនាទីដ៏សំខាន់របស់ខ្លួន និងចូលរួមអនុវត្តគោលនយោបាយសេដ្ឋកិច្ច និង ពាណិជ្ជកម្ម ដើម្បីចូលរួមលើកកម្ពស់ការអភិវឌ្ឍសេដ្ឋកិច្ចជាតិ។ អ្នកឧកញ៉ាបានបង្ហាញពីមោទនភាពចំពោះលទ្ធផលដែលសម្រេចបានរបស់សភាពាណិជ្ជកម្មរាជធានី/ខេត្ត និងបានលើកទឹកចិត្តដល់សភាពាណិជ្ជកម្មរាជធានី/ខេត្តទាំងអស់ឱ្យបន្តអនុវត្តតួនាទីស្នូលរបស់ខ្លួន និងព្យាយាមដោះស្រាយបញ្ហាប្រឈមនានាដែលមានក្នុងខេត្តរបស់ខ្លួន។

នាឱកាសចូលរួមជាអធិបតីក្នុងមហាសន្និបាតនេះ ឯកឧត្តម ប៉ាន សូរស័ក្តិ បានគូសបញ្ជាក់ពីការប្តេជ្ញាចិត្តជាថ្មីរបស់ក្រសួងពាណិជ្ជកម្ម ក្នុងការបន្តគាំទ្រការអភិវឌ្ឍវិស័យឯកជននៅកម្ពុជាប្រកបដោយចីរភាព ជាពិសេសប្រែក្លាយវិស័យមួយនេះឱ្យទៅជាក្បាលម៉ាស៊ីនថាមវន្តនៃកំណើនសេដ្ឋកិច្ចជាតិ ស្របតាមយុទ្ធសាស្ត្រចតុកោណ ដំណាក់កាលទី៣ របស់រាជរដ្ឋាភិបាលកម្ពុជា។ ទន្ទឹមគ្នានេះដែរ ឯកឧត្តមរដ្ឋមន្ត្រីក៏បានធ្វើការកោតសរសើរ និងវាយតម្លៃខ្ពស់ ចំពោះការលះបង់របស់ថ្នាក់ដឹកនាំ និងសមាជិក-សមាជិកាគ្រប់ជាន់ថ្នាក់នៃសភាពាណិជ្ជកម្មកម្ពុជា ក្នុងការបំពេញភារកិច្ចប្រកបដោយស្មារតីម្ចាស់ការ និងទំនួលខុសត្រូវខ្ពស់ ដើម្បីចូលរួមជាមួយក្រសួងពាណិជ្ជកម្ម និងរាជរដ្ឋាភិបាលកម្ពុជា សំដៅអភិវឌ្ឍន៍វិស័យសេដ្ឋកិច្ច-ពាណិជ្ជកម្ម និងកាត់បន្ថយភាពក្រីក្ររបស់ប្រជាជន។

គួរបញ្ជាក់ថា បន្ទាប់ពីមហាសន្និបាតបូកសរុបលទ្ធផលការងារ សភាពាណិជ្ជកម្មកម្ពុជា ក៏បានរៀបចំពិធីជប់លៀងបិទមហាសន្និបាត ដើម្បីអបអរសាទរ និងបង្កើតភាពស្និទ្ធស្នាលរវាងសមាជិក និងសមាជិការបស់សភាពាណិជ្ជកម្ម បង្កើតសាមគ្គីភាពជាមួយនិងសហគ្រិន ម្ចាស់អាជីវកម្ម ប្រធានក្រុមហ៊ុន ធុរជនរវាងវិស័យឯកជន និងរដ្ឋ ដែលមានវត្តមាននៅទីនោះយ៉ាងច្រើនកោះកុរ៕

អ្នកឧកញ៉ា គិត ម៉េង ថ្លែងសុន្ទរកថារាយការណ៍អំពីវឌ្ឍនភាពការងារ និងផែនការយុទ្ធសាស្ត្រក្រុមប្រឹក្សាធុរកិច្ច មហាអនុតំបន់ទន្លេមេគង្គ ជូនថ្នាក់ដឹកនាំប្រទេសមហាអនុតំបន់ទន្លេមេគង្គ ក្នុងកិច្ចប្រជុំកំពូលមហាអនុតំបន់ទន្លេមេគង្គលើកទី ៦ នៅប្រទេសវៀតណាម

ក្នុង​ឱកាស​អម​ដំណើរ​ សម្តេច​អគ្គមហា​សេនាបតី​តេជោ​ ហ៊ុន​ សែន​ នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា​ ចូលរួម​កិច្ច​ប្រជុំកំពូលមហាអនុតំបន់ទន្លេមេគង្គលើកទី៦ អ្នកឧកញ៉ា គិត ម៉េង ក្នុងនាមជាប្រធានក្រុមប្រឹក្សាធុរកិច្ចមហាអនុតំបន់ទន្លេមេគង្គ បានថ្លែងសុន្ទរកថារាយការណ៍អំពីវឌ្ឍនភាពការងារ និងផែនការយុទ្ធសាស្ត្រក្រុមប្រឹក្សាធុរកិច្ច មហាអនុតំបន់ទន្លេមេគង្គ ជូនថ្នាក់ដឹកនាំប្រទេសមហាអនុតំបន់ទន្លេមេគង្គ ដែលប្រព្រឹត្តទៅនាព្រឹកថ្ងៃទី ៣១ ខែមីនា ឆ្នាំ២០១៨ ក្នុងអំឡុងពេលកិច្ចប្រជុំពេញអង្គ។

លោកឧកញ៉ា លឹម ហេង ដឹកនាំកិច្ចប្រជុំក្រុមការងារបច្ចេកទេសទី៤”ផ្នែកពន្ធដារនិងវិស័យផ្សេងៗ”