អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា ដឹកនាំសមាជិក-សមាជិកាសភាពាណិជ្ជកម្មកម្ពុជា ចូលរួមកិច្ចប្រជុំជាមួយ ឯកឧត្ដម Sontirat Sontijirawong រដ្ឋមន្ត្រីនៃក្រសួងពាណិជ្ជកម្មថៃ និងគណៈប្រតិភូធុរកិច្ចថៃ

នាព្រឹកថ្ងៃទី២២ ខែកុម្ភៈ ឆ្នាំ២០១៨ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា ដឹកនាំសមាជិក-សមាជិកាសភាពាណិជ្ជកម្មកម្ពុជា ចូលរួមកិច្ចប្រជុំជាមួយ ឯកឧត្ដម Sontirat Sontijirawong រដ្ឋមន្ត្រីនៃក្រសួងពាណិជ្ជកម្មថៃ និងគណៈប្រតិភូធុរកិច្ចថៃ ដែលប្រារព្ធធ្វើឡើងនៅសណ្ឋាគារសូហ្វីតែលភ្នំពេញភូគីត្រា រាជធានីភ្នំពេញ។

គោបំណងនៃកិច្ចប្រជុំនេះ គឺដើម្បីផ្លាស់ប្ដូរមតិយោបល់ និងពិភាក្សាអំពីកិច្ចសហប្រតិបត្តិការពាណិជ្ជកម្ម និងវិនិយោគរវាងប្រទេសទាំងពីរ ក៏ដូចជា ស្វែងយល់និងដោះស្រាយនូវបញ្ហាប្រឈមមួយចំនួនដែលវិស័យឯកជននៃប្រទេសទាំងពីរកំពុងជួបប្រទះ។

កិច្ចប្រជុំប្រព្រឹត្តទៅដោយរលូន និងបញ្ចប់ប្រកបជោគជ័យនិងផ្លែផ្កានៅកាលបរិច្ឆេទដដែល។

ជំនួបពាណិជ្ជកម្មរវាងកម្ពុជា-ថៃ​ – ថ្ងៃទី២១ ខែកុម្ភៈ ឆ្នាំ២០១៨

រូបសកម្មភាពមួយចំនួនក្នុងកម្មវិធីខាងក្រោម៖ 

ជំនួបពាណិជ្ជកម្មរវាងកម្ពុជា-ថៃ

កាលបរិច្ឆេទ៖ ថ្ងៃទី២១ ខែកុម្ភៈ ឆ្នាំ២០១៨
ពេលវេលា៖ ១៤.០០នាទីរសៀល
ទីកន្លែង៖ សណ្ឋាគារសូហ្វីតែលភោគីត្រា ភ្នំពេញ (Sofitel Phnom Penh Phokeethra Hotel)

CCC Annual Working Performance Report 2017

សូមទំនាក់ទំនង ប្រសិនចង់បានរបាយការណ៍វឌ្ឍនភាពការងារប្រចាំឆ្នាំ២០១៧ មកលេខទូរស័ព្ទ៖ 855-95 356 356 / អ៊ីម៉ែល៖rsvp@ccc.org.kh ។

សូមអរគុណ!

Please contact If you need the CCC Annual Working Performance Report 2017, via phone number: 855-95 356 356 / Email: rsvp@ccc.org.kh.

Thank you!

សម្តេចតេជោ ហ៊ុន សែន អញ្ជើញជាអធិបតីក្នុងវេទិកាធុរកិច្ចឥណ្ឌាកម្ពុជា Cambodia Business Forum, Deli

សារលិខិតជូនពរ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ក្នុងឱកាសខួបជន្មាយុគម្រប់ ៦៣ឆ្នាំ ឈានចូល ៦៤ឆ្នាំ ពី អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា

 សារលិខិតជូនពរ
សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
ប្រធានកាកបាទក្រហមកម្ពុជា
ក្នុងឱកាសខួបជន្មាយុគម្រប់ ៦៣ឆ្នាំ ឈានចូល ៦៤ឆ្នាំ
ពី អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា

សម្តេចកិត្តិព្រឹទ្ធបណ្ឌិត ប្រធានកាកបាទក្រហមកម្ពុជា ជាទីគោរពដ៏ខ្ពង់ខ្ពស់បំផុត !

          ក្នុងឱកាសដ៏មង្គលសួស្តីប្រពៃថ្លៃថ្លា ប្រកបដោយមនោសញ្ចេតនាអភិរម្យសោមនស្សរីករាយនៃទិវា​ខួប​កំណើត​គម្រប់ ៦៣ឆ្នាំ ឈានចូល ៦៤ឆ្នាំ របស់សម្តេចកិត្តិព្រឹទ្ធបណ្ឌិត ដែលប្រព្រឹត្តទៅនៅថ្ងៃសុក្រ ១២រោច ខែមិគសិរ ឆ្នាំរកា ព.ស. ២៥៦១ ត្រូវនិងថ្ងៃទី១៥ ខែឆ្នូ ឆ្នាំ២០១៧នេះ តាងនាមថ្នាក់ដឹកនាំ និង សមាជិក​សមាជិកា សភាពាណិជ្ជកម្មកម្ពុជា ខ្ញុំសូមសម្តែងនូវ អំណរសាទរឥតឧបមាចូលរួមជូននូវសព្ទសាធុការពរជ័យ បវសួស្តី សេរីវឌ្ឍនា វិបុលសុខ មហាប្រសើរ គ្រប់យ៉ាង និងសូមជូនពរ សម្តេចកិត្តិព្រឹទ្ធបណ្ឌិត ប្រកដោយ​សុខភាព​​ល្អបរិបូរណ៌បញ្ញាញាណភ្លឺថ្លា ត្រចះត្រចង់ កាយពល រឹងមាំខ្លាំងក្លា ជន្មាយុយឺនយូរ ដើម្បីដឹកនាំ​កាកបាទ​ក្រហមកម្ពុជាទទួលបាននូវជ័យជំនះថ្មីៗធំធេងថែមទៀត ជាពិសេស ក្នុងកិច្ចខំប្រឹងប្រែងស្វះស្វែង​រក​ជំនួយ​មនុស្សធម៌ពីគ្រប់មជ្ឈដ្ឋានជាតិនិងអន្តរជាតិ ដើម្បីជួយដល់ជនងាយរងគ្រោះ ទុរគតជន ជនចាស់ជរា កុមារកំព្រា ជនគរ ថ្លង់ យុទ្ធជនរបួស ជនពិការ ជនរងគ្រោះដោយសារគ្រោះមហន្តរាយ និងគ្រោះធម្មជាតិ​ផ្សេង​ៗ​ ។

            យើងខ្ញុំទាំងអស់គ្នាសូមគោរពថ្លែងនូវការកោតសរសើរ និងដឹងគុណយ៉ាងជ្រាលជ្រៅប្រកដោយ​កតញ្ញូ​កត​វេទិតាធម៌ យ៉ាងស្មោះស្ម័គ្របំផុត ចំពោះបញ្ញាញាណដ៏ឈ្លាសវៃសកម្មភាពប្រកបដោយគុណធម៌ និង​មនុស្ស​​​ធម៌ របស់ សម្តេចកិត្តិព្រឹទ្ធ បណ្ឌិត ក្នុងការចូលរួមចំណែកដ៏មានតម្លៃជួយដោះស្រាយទុក្ខលំបាក និងកាត់​បន្ថយភាពក្រីក្ររបស់ ប្រជាជន ជាមួយរាជ រដ្ឋាភិបាលកម្ពុជា ។ ទាំងនេះគឺជាសមិទ្ធិផលនិងស្នាដៃយ៉ាងធំធេង​របស់​​សម្តេចកិត្តិព្រឹទ្ធបណ្ឌិត ក្នុងបុព្វហេតុជាតិ មាតុភូមិ និង ប្រជាជនកម្ពុជា ។

             សម្តេចកិត្តិព្រឹទ្ធបណ្ឌិត គឺជាកុលធីតាខ្មែរដ៏ឆ្នើមមួយរូប ជាស្ត្រីដឹកនាំគំរូដ៏ល្បីល្បាញប្រកប​ដោយ​សីលធម៌​​​គុណធម៌ និងទេពកោសល្យដ៏ឧដុង្គឧត្តមថ្លៃថ្លារបស់ជាតិមាតុភូមិកម្ពុជា ព្រមទាំងជាឧត្តមភរិយា​ដ៏​ប្រពៃថ្លៃថ្លា ជាមាតា និងជាជីដូនប្រកប ដោយចរិយាធម៌ និងព្រហ្មវិហារធម៌យ៉ាងជ្រាលជ្រៅ ។

            ឆ្លៀតក្នុងឱកាសដ៏មហានក្ខត្តឬក្សវិសេសវិសាលនេះ យើងខ្ញុំទាំងអស់គ្នា ជាថ្នាក់ដឹកនាំ និងសមាជិក សមាជិកា នៃ សភាពាណិជ្ជកម្មកម្ពុជា ក៏សូមគោរពសម្តែងនូវសេចក្តីអភិរម្យសោមនរីករាយ ចូលរួមជូននូវសព្ទសាធុការពរជ័យ​គ្រប់​ប្រការជូន សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និង​សម្តេចកិត្តិ​ព្រឹទ្ធ​បណ្ឌិត ព្រមទាំង បុត្រា បុត្រី បុត្រប្រសា ចៅប្រុស ចៅស្រី ជាទីស្រលាញ់ សូមបានប្រកបនូវពុទ្ធពរទាំងបួនប្រការ គឺអាយុ វណ្ណៈ សុខៈ ពលៈ ជានិច្ចនិរន្តរ៍ ។

            សូម សម្តេចកិត្តិព្រឹទ្ធបណ្ឌិត មេត្តាទទួលនូវអភិវន្ទនកិច្ចគោរពដ៏ខ្ពង់ខ្ពស់ សេចក្តីស្រលាញ់ និង ស្មោះត្រង់បំផុត​អំពី​យើងខ្ញុំ ៕​

សូមអានសារលិខិតថ្វាយព្រះពរជូនភ្ជាប់